大熱劇《大叔的愛》今個星期大結局，琴晚嗰集講到阿牧（AL）同田田（Edan）熱戀，不過粗心大意又遲鈍嘅阿田令阿牧太無安全感，更被網友封 #渣田！阿牧雖然愛對方，但漸漸對呢段關係無晒信心，加上阿田個好朋友梓芊又對佢表白，顏碎咗阿牧嘅心💔😭喊住同田田講分手：「我地不如算啦。」
Anson Lo同Edan嘅演出被網友讚自然。AL接受訪問，話原來呢場戲拍咗10次：「喊到個樣搲晒！我同呂爵安都好忘我，大家喊到癲晒。」佢話呢場戲係全劇最關鍵，所以好俾心機去演，拍前會聽分手歌入戲，例如張惠妹嘅《連名帶姓》，連監製都話拍到佢心噏噏。自稱係 #死中女鏡粉 嘅princejoyce姐姐更睇到鼻涕眼淚縱橫交錯，琴晚大家同欣宜一樣都喊到缺氧啦！
Search